香港迪士尼樂園已經唔止係玩咁簡單,近年亦sell美食,樂園度假區各酒店旗下餐廳不時推出新菜式,照顧食家,而Ray知道現時的美食主題「龍蝦篇」有優惠,只要在酒店前台登記,以及在社交平台po相加指定hashtag,可以在芊彩餐廳半價享用龍蝦套餐,或在翠樂庭餐廳及米奇廚師餐廳享用原隻龍蝦,龍蝦lovers記住要快手預訂,優惠至本月16日完結啦。
至於下個主題,將會是「日本和牛篇」,預計8月推出,其中一款菜式,可能是本港率先登場、採用高級和牛的「越南生牛肉河粉」。就算「和牛篇」未登場,酒店的中餐廳也有多款特色美食,例如晶荷軒的尚盛點心系列,以及10款用鮑魚為主題的菜式──鮑羅萬有系列,絕對適合相機食先和識飲識食的人,Ray特別喜歡錦鯉斑肉餃,造工精巧,怎捨得把這件藝術品吃落肚。