香港迪士尼樂園已經唔止係玩咁簡單，近年亦sell美食，樂園度假區各酒店旗下餐廳不時推出新菜式，照顧食家，而Ray知道現時的美食主題「龍蝦篇」有優惠，只要在酒店前台登記，以及在社交平台po相加指定hashtag，可以在芊彩餐廳半價享用龍蝦套餐，或在翠樂庭餐廳及米奇廚師餐廳享用原隻龍蝦，龍蝦lovers記住要快手預訂，優惠至本月16日完結啦。
樂園度假區行政總廚麥錦駒講，每個套餐用上半隻波士頓龍蝦，蝦頭用來熬湯，絕不浪費任何食材。
至於下個主題，將會是「日本和牛篇」，預計8月推出，其中一款菜式，可能是本港率先登場、採用高級和牛的「越南生牛肉河粉」。就算「和牛篇」未登場，酒店的中餐廳也有多款特色美食，例如晶荷軒的尚盛點心系列，以及10款用鮑魚為主題的菜式──鮑羅萬有系列，絕對適合相機食先和識飲識食的人，Ray特別喜歡錦鯉斑肉餃，造工精巧，怎捨得把這件藝術品吃落肚。
越南生牛肉河粉以和牛入饌，美味又貴氣。
(左上)錦鯉斑肉餃靚到捨不得吃。