旅遊達人項明生(James)受「星夢遊輪」雲頂夢號邀請，首次上郵輪登台做旅遊脫口秀，載歌載舞加上多媒體製作的「穿越時空環球秀」，帶領觀眾瞬間穿越五萬年、翱翔七大洲五大洋，認真犀利。一眾好友及粉絲捧場，Ray亦敬陪末座，查小欣讚其脫口秀將深度旅遊crossover娛樂，簡單易明，資料又豐富。雲頂夢號CEO Mr. Thatcher就話雖然唔識中文，但亦被現場熱烈氣氛感染，特別是當James現場唱Amazing Grace介紹耶路撒冷，令佢十分感動，唔怪得佢話呢個係船上最受歡迎的Enrichment program。
Ray知道項明生一直想做娛樂性和知性兼備的脫口秀，分享遊學數十年來在百多個國家的經歷。佢話今次多得郵輪公司邀請，自己用咗3個月時間準備，期間跟有「小鄧麗君」之稱的著名歌唱老師單紫寧學唱歌，又跟陳文剛、魏綺珊夫婦兩人學習舞台肢體語言，還要學習結他，可以話係魔鬼式訓練，終於在海上舞台夢想成真。而佢仲特別預告，Go Wild旅遊裝備專門店已經鐵定贊助佢2月4日於太古城分店安哥一場「新年特別版」，現場大唱賀年歌，向粉絲們拜年。