香港原創玩具 好玩又新穎

阿RAY而家經過玩具店都會停低望多兩眼，原來香港喺玩具生產一直領先世界，昨日香港玩具協會，就同香港玩具廠商會有限公司合辦2019年香港玩具業週年晚會，仲頒發傑出成就獎嘉許對業界發展貢獻良多嘅龍昌集團主席梁麟博士。此外，仲公布咗香港製造玩具大賞結果，嘉許一批本地玩具設計師，呢啲香港原創嘅玩具好玩之餘亦好有教育意義，仲用咗最新科技嚟設計，希望香港有更多出色玩具設計師，可以為大小朋友設計寓教於娛樂嘅玩具。