返回 新聞 2017-05-15 06:00:00 Ray手記: Ray 馬會屯門騎術學校開放日 5千人入場 分享： 母親節再想特別啲，喺食自助餐、逛商場之外有冇另類選擇？原來昨日香港賽馬會屯門公眾騎術學校，搞咗個開放日，全日共吸引超過5千名市民入場，近距離接觸馬匹，加深對馬匹及馬術運動認識。有手推嬰兒車的年輕家庭，亦有幾代同堂的大家庭，由中午起陸續入場，一起歡度母親節。 馬會朋友話，為咗小朋友有機會騎小馬，有爸爸一早入場就一枝箭衝去買票策騎小馬，而媽媽就排隊參觀馬房，仲笑住話雖然天氣好熱，但兩樣活動都有得玩，好開心。開放日精彩項目仲有與雪特蘭小馬合照、攤位遊戲、彈彈床、巨型馬蹄鐵拍照、觀賞馬術示範表演等。
