一個香港新潟日本酒祭，一個黑色清酒樽，一個金色牡蠣酒標，令我認識咗牡蠣專用清酒，令我認識咗新潟「今代司酒造」，亦令我認識咗兩位今代司酒造工作嘅朋友。
牡蠣專用清酒
當日第一次品試IMA牡蠣專用清酒，發覺酒體中有種特別嘅酸度，比一般清酒高得多，末段帶有好輕好輕嘅甜味，入口清爽，整體風格頗接近一般白葡萄酒，因為原材料係米，沒有白葡萄酒因土壤及礦物影響牡蠣creamy同海水味嘅特質，IMA配牡蠣料理效果肯定比白葡萄酒更穩定。
IMA配牡蠣真係一流。1620円
繼配牡蠣專用清酒之後再出一支配芝士專用清酒，今代司真係走得好前。
雪季到訪酒造見學
可惜喺香港唔係成日見到今代司嘅身影，幸好我呢個snowboard初哥雪季到新潟苗場滑雪，決定抽時間到訪今代司酒造，順道見見兩位朋友，擁有超過二百五十年歴史嘅新潟今代司酒造，距離新潟站只有15分鐘路程，入內參觀完全無料，而每日設有多個見學時段，由專人導覽，將整個釀酒過程、酒造歷史逐一細心講解，猶如清酒博物館無異，酒造設有無料&有料試飲區，我建議大家必揀有料，數百円就可以試晒整個酒造所有出品，非常抵玩，售賣區除咗清酒之外，仲有面膜、酒袋、圍巾、零食等米酒副產品，非常適合觀光客；而我，當然係嚟搵朋友selfie、買IMA、錦鯉、純米大吟釀返香港飲。
今代司渡邊圭小姐
今代司木津怜先生
今代司舊物隨處可見。
獲無數設計獎嘅錦鯉5400円，齋睇酒樽都賞心悅目。
今代司酒造│ http://imayotsukasa.co.jp/
地址│新潟県新潟市中央區鏡が岡1番1號
營業時間│09:00~17:00
KIWA ENTERPRISES│www.kiwa.com.hk (香港代理)
