隱世美食｜行山嘆客家菜 谷埔松記士多

為咗食，你可以去到幾盡？我最盡，只可以由粉嶺鹿頸發記士多，沿住鳳坑家樂徑，大約行45分鐘，到谷埔老圍松記士多，為的就係嘆隱世客家菜！這條行山路線屬於BB級別，只有一段長石級稍稍吃力，其餘大多為平路，就算平時零運動的新手都可輕鬆駕馭。

隱世美食｜原始的客家菜味道 

谷埔老圍，原居民為客家人，住了近三百多年。松記士多賣的就是原始的客家菜味道，是日菜單由負責人之一的倫哥發辦，鹹雞、醋鴨、炒魷魚、蒸黑鱲、炸南瓜、金蠔、豬肉缽、蠔餅、墨丸和炒麵山悉數上陣：蒸黑鱲─香港水域常見鱲魚之一，釣口魚用最簡單方法「清蒸」，美味而實在，久違了的「魚有魚味」盡在碟中；客家豬肉缽─松記名物，即是客家蒸豬肉，蒸得極之軟腍，膏位入口即化，應該經過多次蒸煮才能有此效果，醬汁充滿豆豉精華，鹹味細緻，不折不扣的白飯小偷，肥？我行山入嚟㗎！怕乜！客家醋鴨─松記另一名物，鴨肉頗結實，倫哥建議第一件先吃原味，之後再蘸秘製醬汁，入口酸溜溜，多吃幾件也不覺膩；蒸墨丸與炸南瓜─一蒸一炸，不要小覷簡單直接的烹調方法，往往最易贏取芳心，我被深深迷倒了，只好用自攜的日本威士忌來抵擋，醉？我行山入嚟㗎！醉乜！松記士多只開周六、日，偶爾逃離市區石屎森林，感受下青山綠水的大自然靈氣，再大擦一頓，以後我有借口去行山。 (部分菜式如海鮮需預訂，賣完即止)

谷埔松記士多

粉嶺沙頭角谷埔村

從粉嶺鹿頸發記士多沿海邊步行45分鐘便可到達

26799148