唔hardsell的hardcore創意

「隔離(籬？)嗰條友，諗唔到理由……邊個諗嘢，咁甩漏；邊個搞唔掂，就要人屈就。邊個選擇失憶，邊個選擇出埠。邊個響邊個隔離，質埋一舊……」

從前是隔籬飯香。2019之後，隔離飯的味道又是怎麼？2022年尾，MC仁和Saiyan_dnb兩位院友做了首音樂。不是甚麼偉大藝術作品，是廣告歌。院友們玩HipHop鍾情hardcore，香港地做廣告歌卻難免hardsell。阿仁更曾公開說過：最差嘅rap就係做到個rap好似廣告歌咁流……然而，同樣是廣告歌，可以不斷rap住外賣品牌名稱(就像當年鄧英敏力竭聲嘶大叫「彩色電視，平霸啦！」)亦可像阿仁對品牌隻字不提。唔hardsell，但香港地唔軟唔硬的廣告歌又可以有幾hardcore？

香港只有娛樂圈，沒有樂壇。本地所謂的文化及創意產業，包括(一)藝術品、古董及工藝品；(二)電影及錄像和音樂；(三)出版；和(四)以及軟件、電腦遊戲及互動媒體，在2020年對香港本地生產總值貢獻了4.5%(增加價值為1,156億元，就業人數共228,600人)。當中，電影及錄像和音樂界別只佔了1.9%(增加價值為21億元，就業人數共 14,970人)，加起來亦遠低於廣告界別的5%(增加價值為58億元，就業人數共18,690人)，單單音樂界別對經濟貢獻之微可想而知。因此，市場上要求娛樂廣告hardcore唔hardsell，除非是奇蹟出現吧。

《未謝晒 多謝晒》卻是個奇蹟。新冠肺炎疫情之下，外賣生意明明是逆市奇葩，而今時今日的經濟環境亦只有逆市奇葩才有預算大使金錢做廣告歌。從隔籬飯到隔離飯，三餸變了送機送藥送撩鼻。用廣告預算做自己的音樂，再加上可能比音樂預算還要大的宣傳預算，rap到街知巷聞的最hardcore創意，我認為是那一句「我夢想起飛，又俾人撳返落地」。2023，除了準備翻生，還要記得喺邊度俾人撳返落地，我哋就要喺返嗰度起飛。