艾榮與杜蘭特。
「籃網！終於贏得隊史第一座NBA總冠軍！Harden終於成為奪冠嘅全明星！最開心嘅一定係KD(Kevin Durant、杜蘭特)！終於擺脫勇士的陰影！證明自己係NBA史上最佳球員之一！」聲音來自KD家中的電視機，美國時間2023年2月8日，他正在玩2k21電視籃球遊戲。這時電話響起，屏幕彈出Kyrie(Kyrie Irving、卡爾艾榮)的名字：「Yo Bro，仲幫阿Ben Set Up緊射波training camp？」Kyrie的問題一擊刺中KD的痛處。「唔係，我睇緊帶呀……下場對公牛。你呢？同Luka點呀？」KD不敢坦承自己仍然沉醉在21年，籃網陣中仍有Harden、Kyrie、Griffin和自己的那個球季。「Luka個東歐仔？連LeBron同你都搞我唔掂，佢憑咩呀？唔使擔心啦，我喺達拉斯會俾心機㗎喇，剛剛打完第一場，我好俾力呀，等啲隊友同埋Cuban對我嘅信任大啲，我會開始做嘢。」Kyrie的說話令KD冒了一身冷汗。「都夜，唔講喇，東岸快你幾個鐘。」第一次加盟西岸球隊的Kyrie恍然大悟：「Oh Man！唔記得咗㖭，好啦，球場見。」通話結束，KD放下電話，電視機仍然是2k21遊戲畫面，裡面的籃網球員還有球隊老闆蔡崇信仍在忘我慶祝，而在總決賽落敗的勇士球員Draymond Green則垂頭喪氣。「喺你嚟之前我哋就已經係總冠軍喇！」KD腦海突然浮現Green曾經說過的這句話，不禁渾身發抖。電話再次響起，這次來電的是另一位曾經的好兄弟「西書」：「Hey Rus，咩事？」「我要離開湖人喇，報道話我會去Jazz。」西書的語氣帶點無奈，但又彷彿如釋重負。「都幾好呀，咁我去Utah嘅時候我哋再傾啦。」KD客氣地回答。「唔係呀！我可能會買斷合約，然後去快艇，所以都係留返喺LA，PG話幫我搞掂，所以我而家行李都唔打算執。」此時KD的門鈴響起：「Rus唔講喇，應該係蔡老闆打嚟催我交Ben Simmons訓練說明書。」KD打開家門，果然見到蔡崇信：「Kevin，執行李啦，我Trade咗你去鳳凰城，我哋而家唔玩喇，你開心返啲啦。」躲在蔡崇信背後的Ben Simmons露出勝利者的微笑。
以上純粹是我憑空捏造的故事，如有雷同，真係好巧合。 自細捱夜，運動講多過做。鋤波經直線 IG @lingwflj。
