英超最緊要長玩長有，曾喺英超打滾嘅新特蘭、樸茨茅夫、韋根同保頓等，近年只係沉淪英甲翻身無期；而列斯聯由2000年打入歐聯4強，到財困星散降班，更有3季跌到落英甲，最終上季由「狂人」領隊比爾沙拯救，再次重返頂級聯賽，難度極大，所以列斯聯球迷當佢喺神。球隊升班繼續只攻唔守、睇得過癮，但近期走勢不妙，比爾沙主攻踢法冇減輕咗防守壓力係最大問題，王牌射手班福特傷多過踢、中堅同中場中路兩大重要區域，長期有傷兵，排陣變星期美點係致命傷，失球之多英超暫排尾二。中下游隊隊冬窗增兵保命，比爾沙簽咗一件西甲18歲新星前鋒咁大把。球隊近4戰3敗失10球，未來4場鬥利物浦、熱刺、李斯特城同阿士東維拉，好難打。只見悶蛋波足球抬頭，屈福特易帥、般尼添鋒後，剛同破11場英超不勝悶局，護級風起雲湧；列斯聯再唔肯收窄防線，用好波之人洛迪高同丹尼爾占士打快攻反擊攞分，66歲嘅比爾沙難保唔「衰收尾」、列斯聯再下沉，到時再攻英冠吧！
