加普
對上4屆無論幾多支歐洲隊入8強，最終都係冠軍到手，南美雙雄今屆喺上線、下線集結歐洲列強；反而上線嘅荷蘭，雖然10年攞亞軍、14年季軍，暫時只係加普彈出，跟以往嘅史奈達、洛賓、雲佩斯同古積特相比，星味仲差好遠。不過世盃同足球大潮流一樣，重防守、整體戰，所以新「雄雞」球王麥巴比、加埋英兵守將慣對嘅36歲「銀河唯一」基奧特攻堅，要壓倒已有8人入波嘅多變「三獅」，大有疑問。荷蘭即將要面對真球王美斯，「戰術大師」雲高爾14年領軍跟阿根廷喺準決賽交手，當時0比0射輸12碼；美斯當年踢得好靜，戰術大師今場點樣防範呢支「一人球隊」成勝負關鍵。進攻方面，迪比已冇人覺得佢勁，但唞夠冇壓力，又有新仔加普掩護；橙兵最大殺著，其實係兩大翼衛、14年已擔正嘅戴利白蘭特同上仗1入球2助攻嘅杜費斯。
冇乜人會信荷蘭今屆可以歷史性封王，不過「荷阿戰」永遠是大戰之選；最經典還是98年半準決賽柏金嘅完美金球，當年真係好睇到喊。
