杜曹不要「馴獅」
做國家隊領隊，優差定苦事作一個對照。英超頂流波士哥迪奧拿今年1月起教曼城要兼顧夏季世冠盃，一眾教練團幾乎冇停過手；藍月氣走紅軍後，今年踢咗50場波，一個盃都未攞過，勝率只係66%，年初起大換血後改革進行中，英超榜首阿仙奴大敵。
杜曹今年1月起教三獅英格蘭，6場世盃外勝率100%，仲成為第一支出線決賽周嘅歐洲隊。呢位德國人人工唔夠周薪10萬鎊，但就話球隊提早出線又有隊型，教得非常快樂，終極目標當然係要為「三獅」將世盃帶回家，到時分花紅。要成就呢個60年一夢，德國人嘅自滿唔會增強到球隊嘅戰力。三獅一向係外圍賽之王，去到大賽例撻Q，外圍賽少踢下風波似「馴良的獅子」有關。今輪兩場例行公事，連埋下年決賽周前幾場友賽，杜曹成手好牌但演練時間唔會太多，仲係場場都卡尼掛帥，再靠沙卡右邊爆破？點用復勇嘅祖迪比寧咸、菲爾科頓同拉舒福特幾位進攻能手，多添進攻模式，令三獅變兇猛，先係杜曹踢埋呢兩場波可放冬假的最大任務。
祖迪比寧咸