書展就快到，又係新書推介嘅時候。國泰航空今年再度集合空中服務員嘅小故事，寫成《由心啟航》一書，噚日佢哋就安排部分作者出嚟分享，有啲都幾感人㗎！
其中一個係「窮女孩會飛」，空中服務員許嘉齡因為自幼家貧，所以無機會坐飛機，直至做咗空姐後，佢同父母先至有機會飛上高空。佢話第一次請已經60幾歲嘅父母坐飛機，就係去北京，兩老當時興奮到唔知已劃位，有少少蝦碌；後來佢又帶父母飛去美國，終於有機會探望好耐無見的親戚。
全書共有33篇文章，不少感人又開心的故事，例如拆掉座廁為乘客撈回假牙、花式滑水香港隊代表講佢落機以後嘅生活等，另外仲有3篇實用知識，有志從事航空業嘅讀者不妨買嚟睇，就算唔係都可買書行善，本書收益將會捐贈慈善組織「香港恩光之友會」，作為香港殘障兒童的教育用途。
Ray~投身傳媒工作多年，由市場研究做起，一直與公關、廣告、新聞界結下不解緣，心境永遠青春。