Apple喺香港開嘅第6間舖昨日亦開張，Ray都有去體驗氣氛，除咗感受到「果粉」對品牌的熱愛，仲感覺到呢間喺觀塘apm開嘅舖，與其他喺香港開嘅有啲唔同，就係特別有濃厚的街坊社區味。
吉時到，大家都興高采烈跑入店，除咗為攞件紀念T，仲睇吓有無機會買到心儀嘅新出iPhone 7系列手機。今次嚟朝聖的，唔單止IT人，仲有扶老攜幼嘅街坊，同有唔少弱能人士。好似坐住輪椅嘅Jackit(圓圖)，佢話望咗呢間蘋果店開業成年，因為佢成長以至工作都喺觀塘，希望喺自己生活嘅社區有間蘋果店，而呢間舖嘅位置都好好，商場有多部升降機方便行動不便人士上落，所以特登嚟感受氣氛，順便攞埋佢喺網上已預訂的手機。
Ray~投身傳媒工作多年，由市場研究做起，一直與公關、廣告、新聞界結下不解緣，心境永遠青春。
