國際賽車盛事Formula E電動方程式賽車，今個星期六、日喺中環海濱區舉行嘞，仲未買到飛或無法到現場觀戰嘅市民，除咗上網或睇電視隔岸觀賽外，仲有冇更投入參與嘅方法？有！主辦單位舉辦咗個Fanboost活動，俾Fans投票給最愛嘅「車神」，得票最高嘅3位車手，就可以喺比賽中獲得額外100千焦能量。
投票嘅方法好簡單，Fans只要透過Formula E網站(http://www.hkformulae.com/zh-hant/event/fanboost/)、Instagram或Twitter投票就得，依家已經開始啦，到比賽前6分鐘就會截止，而每名粉絲可以每日通過各途徑分別投票一次。投票之後，梗係想知道自己支持嘅車手能否獲得「加持」，咁就記住留意到時現場嘅計分板，即時顯示最新車手成績及投票情況，結果將會喺賽事中段，賽車進入維修區前公布。
或者大家仲未諗到有咩心水，Ray就研究咗一陣，如果大家係荷李活影星 里安納度狄卡比奧 fans，佢有份投資嘅其中一隊車隊都會參賽，又或者想支持下中國車手嘅，都有喎，再唔係仲可以投大車廠嘅。嗱！邊位車手屬以上邊個類別就唔講啦，費事影響賽果，大家自己上網搵下啦！
投身傳媒工作多年，由市場研究做起，一直與公關、廣告、新聞界結下不解緣，心境永遠青春。
里安納度狄卡比奧