光榮招牌作《真三國無雙8》雖然推出日未定，但一直都有傳今年就會推出，而自從香港動漫節首次公開玩法同畫面之後，光榮亦定時update新消息，照咁睇法傳言有機會係真。好多人都知，今集玩法會改變成open world(開放式世界)，玩家要喺中國地圖自由行動，連進入戰場都要騎馬或徒步去到城池先可以開戰，其實聽落件事本身已經唔算太work，畢竟「無雙」向來主打戰鬥系統、動作爽快同畫面精彩，以目前公開嘅試玩片段睇，隻game變成有探險feel後，好明顯冇咗爽快感，呂布仲要潛行鬼祟偷襲兵仔，關羽要匿埋草堆用弓箭射人嘅感覺實在太冇霸氣，而且重新開發嘅攻擊模組打擊感竟然仲要差咗，如果趁推出前仲唔認真審視一下，土下座作為「無雙」fans都好難再撐。