曼谷超市我為你狂

執筆之時，正值10號風球，於家中把剛從曼谷買回來的米粉，配以泥鯭湯底，再加雪菜肉絲，好食到拍手掌。跟常到泰國的朋友行超市，他推介這款米粉，質地爽，不易斷，索湯一流！一大Pack內有5包米粉，只是15港元，見朋友搬走五大Pack，就是信心保證。

零食方面，此品牌薯片一直在泰國入貨清單中，今次見到二合一口味新品，一包薯片有兩種口味，叫人興奮度加倍。香港朋友知我行緊Big C，即柯打Sabunnga香皂，用天然植物如檸檬草、薑、山竹和羅望子，加蜂蜜造成，分別有滋潤、收緊和磨砂功效，每塊16港元；我也買了，暫時未用，但聞到天然香味已醒神。

另一大超市Tesco Lotus，有許多自家品牌貨品，相信不少人都來買過涼鞋拖鞋，估不到垃圾膠袋也可以是入貨之選，檸檬、藍莓、青蘋果和雲呢拿味，你會忍唔住攞起每包聞下。