周一就係聖誕節,普天同慶,不過有啲地方慶祝聖誕嘅習俗都幾騎呢,好似非基督教國家印度,由於當地氣候炎熱,好難種針葉樹,所以聖誕樹只好「入鄉隨俗」咁變成香蕉樹或芒果樹!
同樣作為非基督教國家嘅日本,就喺1974年因為肯德基以「耶誕節就要食肯德基」為口號大肆宣傳,成功植根聖誕節就要食炸雞呢個概念,甚至變成維持多年嘅傳統。
而烏克蘭聖由於係東正教國家,所以沿用俄曆1月7號過聖誕,最特別嘅係佢哋會用「蜘蛛網」裝飾聖誕樹!起源於烏克蘭一個傳說,相傳有名寡婦因家貧買唔起聖誕裝飾而難過飲泣時,有隻蜘蛛開始爬上樹結出一個個精美金銀網,變成最好裝飾,於是聖誕樹掛蜘蛛網就變成當地習俗。