日本廣島一間已有126年歷史嘅銼刀老舖「ワタオカ」,開發出一把足以征服喵星人嘅「貓舌梳(ねこじゃすり)」!
貓舌梳用樹脂再現貓舌質感,只要用呢個摸貓,喵喵就會舒服到好似一灘水咁,不過長毛貓除外。原本老闆想開發樹脂做嘅蔬菜用銼刀,某日異想天開用嚟幫屋企隻喵梳毛後,發現貓主子露出一副冧樣,刺激老闆將銼刀開發成貓用品,佢將其中一面做成彷貓舌上突起嘅「倒刺」,闊嗰邊用來梳身體,窄嗰邊用嚟梳臉,呢個彷貓舌設計,令到貓貓被梳時,就好似用脷順毛咁嘅觸感。
貓舌梳用樹脂所做,用完後以水洗淨晾乾就好,非常方便清潔。