林霏兒被批「係坦克」 自覺好彩 。
林盛斌（Bob）的17歲大女林霏兒（Faye），近日在社交網透露遭受網民性騷擾，她以黑底紅字怒斥對方：「骯髒過份」，並強調為自身及香港女性發聲，未幾，再有一位網民出言侮辱Faye表示：「咁嘅樣都食得落，邊位仁兄咁樣為民除害，香港政府應該要頒個大紫荊勳章俾佢。」而愛女心切的Bob即發長文護女反擊，並表示：「我屋企人比想像中勇敢。」
妹妹林機兒向家姐送上一張打氣紙條。
無懼網民留言人身攻擊
確實Faye 比想像中堅強，面對網民的人身攻擊，她反而高EQ處理，昨日她發文貼出網民的批評：「Faye！佢哋話你係『坦克』話你係X話你肥話你樣衰啊！」但Faye未有介意並自覺好彩：「哇！好彩啫！好彩佢哋唔係話我唔善良，好彩佢哋唔係話我冇家教，好彩佢哋唔係話我對人冇愛，好彩佢哋只係批評我嘅身材樣貌、相片，因為去到最後，真正嘅美麗，係對自己嘅肯定，對自己、對愛自己嘅人有愛，我依舊被愛，依舊活得精彩！」
林盛斌大讚女兒才是正能量大師。
Faye 續大方表示：「祝所有批評/ 唔鍾意我嘅人，可以得到佢哋想要嘅愛， 想要嘅幸福 I wish you love。」她更附上一張嘟嘴的可愛照，並寫上：「You are loved by Faye!」看來心情未有受批評影響。而妹妹林機兒（Kaye）亦非常窩心，她向家姐Faye送上一張手寫的英文紙條，並為對方打氣表示：「如果你需要找人傾訴，我會在你身邊。如果你需要擁抱，我會在你身邊……」可見姊妹二人感情深厚，而Bob亦有留言讚大女：「原來你先至係正能量大師，有料，跟你學唔嘢」。
