日本藝術團隊「teamLab」於世界各地辦展覽，亦有不同領域跨界合作。最近，東京銀座「佐賀牛restaurant SAGAYA」餐廳，就邀請「teamLab」進行餐桌互動式光影藝術裝置，為客人帶來多重感官體驗。
「teamLab」想呈現日本四季之美，將櫻花、紫藤花、樹林、瀑布等元素，投影到牆面。桌上則有五彩繽紛花瓣飄落，蝴蝶、小鳥自由飛翔，耳邊仲聽得見小鳥啾啾聲、清澈流水聲等。
上菜時，碟上花卉圖案會躍然而出，成為桌上光影藝術。當客人唔郁，小鳥、蝴蝶仲會停喺你手，直到重新開始用餐，先會飛走。
從開始到用餐結束，眼前所見光影景象完全唔會重複，而且每個月會換一次，絕對唔會悶。「光影餐桌」一日只限定招待8位客人，推出以來非常搶手！
