Am730
佛系人生|許廷鏗頭炮作品 一個原因令林夕全改歌詞
2021-10-10

許廷鏗(Alfred)與華納約滿之後,決定自組公司「自許紀錄」繼續勇闖樂壇。成為獨立歌手首支作品《佛系人生》於日前推出,獲得不少好評。早前他在「自許紀錄」的IG直播時表示,《佛系人生》原本不是打頭炮的作品,更是他最擔心的一首歌。

《佛系人生》初版感覺不好

Alfred說︰「原本呢首歌係我錄成隻大碟嘅第4隻歌,亦唔係當佢主打歌,咁啱錄呢首歌時,遇到喺成個錄音過程最卡住嘅時間。」他指《佛系人生》原名叫《不在場證據》,由林夕填詞,並在直播播出當時錄音的版本,他續說︰「我嘗試錄咗音先,但一路錄都覺得唔啱,知道夕爺係好俾心機寫。坦白講,我都唔知可以喺邊挑剔夕爺,唔知點講個感覺唔啱,成件事好虛,點叫人改成份歌詞。」

news-images
許廷鏗的新碟由林夕包辦所有歌詞。

著林夕改歌詞

Alfred表示,當時覺得感覺怪怪,但逐句歌詞抽出來看,夕爺的詞是無可挑剔的。「夕爺填咗咁耐,真係無嘢可以修正。但係一路錄都冇咩信心,最後我同監製建議最後兩take唱個demo版本,即係lalala,等夕爺知道我點解讀歌詞。」他把這個「lalala」版本傳給夕爺,他續說︰「我同夕爺講,唔好當係工作,係朋友之間嘅鼓勵,我覺得呢首歌係有啲力量。」之後夕爺重新譜上歌詞,許廷鏗表示收到之後非常滿意,完全不用改任何一個字,更充滿信心決定把《佛系人生》成為他的頭炮歌曲。

news-images
《佛系人生》原本不是主打歌。

許廷鏗林夕互信成關鍵

Alfred說︰「原來做一首歌唔係一定順風順水,當面對一啲同你預期有落差嘅畫面,你又會點樣去做呢?我就選擇唔係怕影響我同夕爺嘅關係,而係我將對呢首歌唱俾佢聽。我可以照唱《不在場證據》,出街可能都work,但未必係我心目中畫面,而依家係我最鍾意嘅版本,呢個係來自對自己嘅信心同信任。信任係我相信我同夕爺之間嘅關係唔會有問題,相信係對件事好,相信佢係會收到。呢首歌真係得嚟不易,所以我就將《佛系人生》變成大碟第一主打,因為成首歌演變過程正正係隻碟嘅主題,無論高高低低,睇你點取態,再次多謝夕爺信任我,互相信任係好美好。」

相關新聞:

許廷鏗宣布開新公司 IG死機前開Live大談感受

許廷鏗被指搞大人個肚唔認數 爆曾嘉晴喊住道歉

許廷鏗宣布開公司 遭狂迷踩場︰搞大我個肚唔認數

news-images
許廷鏗在直播剖白新歌的由來。
Ranking
See AllAm730
See AllAm730
See AllAm730
See AllAm730
Am730
胡鴻鈞處男個唱拒邀蔡思貝伴舞 預告演出大有驚喜
Am730
Am730
占士邦|《生死有時》北美票房預收6,000萬美元
Am730

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多