單文柔和楊洛婷昨日出席公開活動，這次是單文柔產後首次公開現身。她表示現時非常享受湊女生活，直認是位緊張媽咪。她說︰「聽到囡囡喊就會好緊張，我都唔知佢咩狀況，片又換咗，涼又沖咗，奶又飲咗，點解會喊？我就一定要搵到原因，好彩佢都好好湊。」
單文柔表示現時主力由她和工人姐姐照顧囡囡小豬比，並大爆展鵬每次起身必先看囡囡，直言有點呷醋。她說︰「佢一起身就要睇個女，有時我要叫佢幾聲，佢先聽到我叫，我依家係排第二。」她指展鵬現時放假，可以幫手湊女。
談到網民最近狙擊無綫活動，她說︰「我明白社會上有唔同嘅聲音，但最緊要大家嘅安全，政治嘅嘢，我唔方便評論，但安全係最重要，尤其是而家做咗媽咪，見到有人受傷，我都好唔開心。」
楊洛婷希望年尾到夏威夷旅行，盼可造人成功。
現時展鵬有女萬事足。