Am730
林穎彤坎坷童年網上翻播 林母孭女到天橋行乞
2021-03-14
#Hashtags

林穎彤(Bella)10歲時曾演出亞視的《萬家燈火》,扮演馮寶寶女兒,年紀少少的她演技獲不少人大讚。當年她與母親接受鮑起靜訪問,片中更提到林母因被丈夫拋棄,生活失去支柱,於是孭住女兒到葵芳站街頭行乞。此片是18年前的訪問片段,日前ATV亞視數碼媒體在YouTube上載,再次成為大家熱話。

 

news-images
年紀少少的Bella在《萬家燈火》的表現,令不少人大讚。
news-images
當時的田蕊妮與Bella一同宣傳。

片段見到林母憶述遭老公拋棄時,不禁眼泛淚光,「我時時喺屋企煲湯等佢,但佢一意故行要搬出去,我都冇辦法。穎彤得1歲,家姐得9歲,好傷心、好失意,又搵佢唔到,希望見到佢,或者俾啲生活費,惟有孭住個女去乞錢。」

之後Bella與母親及鮑起靜重臨昔日行乞的天橋,林母直言當時曾萌起輕生的念頭︰「我又病,又俾人迫遷,冇錢買奶粉,冇錢交租,想我哋三母女搬走,又唔敢返屋企,因為隨時有人上嚟拆門劈鐵閘,嚇到我哋成日喺天橋流離浪蕩。當時喺天橋望落下面,就諗不如跳落去啦,當時我孭住穎彤,望落天橋下面時,佢差啲好似瀡滑梯咁瀡落去,好彩捉住佢腳仔先冇事。」林母又指當時每晚9時至12時都會到該處行乞,長達9個月時間,幸好有人教她申請綜援,之後一度攬住Bella哽咽。

news-images
林母回憶往事時,仍眼泛淚光。

在旁的Bella聽罷不禁眼泛淚光,「諗唔到我細個時,佢係咁樣養我,想佢唔好咁辛苦,第時開心啲,唔好再住呢啲樓(公屋),買層靚啲嘅樓俾佢住。」林母在旁為Bella抹眼淚說:「唔好喊啦,你喊我又喊,媽咪唔係要住靚樓,最緊要係你哋兩個身體健康,好開心你哋咁聽話。」

news-images
Bella聽到眼濕濕,林母一度哽咽。
news-images
在旁的鮑起靜大受感動。
#Hashtags
Ranking
See AllAm730
See AllAm730
See AllAm730
See AllAm730

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多