【明星隊晚宴】自稱唔識做警察 鄧炳強:睇成龍先知點做警察
2020-02-17
news-images
news-images

今日網上流傳一條影片,警務處處長鄧炳強,出席一個名為「晨曦.明星隊晚宴」,第一段片半醉的鄧炳強,在席中多謝晨曦及明星足球隊與警隊踢波食飯,鄧炳強又說:「好多謝警隊嘅兄弟,因為真係好撐我。」在旁聽見疑似譚詠麟的聲音,「香港靠你哋(警察)啦。」鄧炳強又說:「另外呢今日好興奮,見到好多偶像,由成龍大哥開始、到Alan、到呀志偉、到呀Ben(林國斌),全部都係我偶像,我個心跳得好緊要,其實呢,點解我喺區議會講嘢咁叻,就係聽志偉嘅開心字典。」曾志偉露出招牌笑容,雙手合十,譚詠麟笑言:「嘩!咁樣好危險。」

鄧炳強最憎譚詠麟

鄧炳強又稱,如何學做警察:「我做警察係因為成龍大哥、方中信,全部都係學你哋,我唔知點做警察,睇吓睇吓就識做,唔知點解。另外,今日我真係好憎你(譚詠麟),因為我老婆鍾意你,仲多過鍾意我。」譚詠麟忍不住叫:「呢個咁大罪名。」鄧炳強主動捉着阿倫的手說:「冇辦法喇!因為我都鍾意你,今日真係好多謝咁多位踢波嘅朋友,同埋演藝界嘅朋友,其實大家係老友,全部在心中,唔使講嘢,只要你哋俾個手指公我哋,我哋赴湯蹈火,在所不辭。」全場又一齊舉起手指公。

第二段片段中,曾志偉、譚詠麟與鄧炳強唱起《朋友》一曲,已醉的成龍就在旁唱起「醉K」。

Ranking
See All
See All
See All
See All

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多