ERROR成員(郭嘉駿)與肥仔(梁業)早前為海洋公園拍攝水上樂園廣告,片段見到他挑戰有「水上跳樓機」之稱的「深谷飛瀑」,當時他面上擺出多個驚訝表情,鏡頭一轉見到一名男子直墮梯底。今日193在IG分享當日拍攝花絮,片中他見到透明踏板,以及拍攝滑梯高度足足有幾層樓時,不停說︰「黐X線!X!哇!」
193拍下「遺言」
另一片段見到193面如死灰站在太空艙隔籬,並向鏡頭拍下「遺言」︰「賺錢真係好難!我一直以為好易,如果有買保險,我會留俾爹哋、媽咪,I love you!希望我啲fans可以將佢哋全副身家捐埋俾我爹哋、媽咪,遲下我會出月餅,我應該出唔到啦……」拍片者更笑言,從未見過193這般無奈。
當193踏入太空艙後,隨即大叫「真係好X驚呀!」之後更一度無力靠在門邊,並不停唞大氣,在場的工作人員不斷安慰,著他放鬆一點。