江若琳昨晚（26日）在社交平台表示老公蕭潤邦經營的大埔餐廳堅信號將會通宵營業為災民提供食物及飲品。
大埔宏福苑發生嚴重火警事件受到全城關注，今天大部份的藝人原定在香港舉行的公開活動也宣布延期舉行。蔡卓妍、鄭秀文和楊千嬅等藝人隨即在社交網站轉發了有關大埔火警的救援，以及災後的社區救援資訊，而江若琳昨晚（26日）在社交平台表示老公蕭潤邦經營的大埔餐廳堅信號將會通宵營業為災民提供食物及飲品。
ERROR成員193（郭家駿）親自出馬去到大埔運物資。
與市民團結運物資
ERROR成員193（郭家駿）和MIRROR成員陳瑞輝（Frankie）亦有親自出馬去到大埔運物資。193在社交平台發文並表示：「覺得自己搬咗一晚嘢之後大隻咗，見到凌晨仲咁多人咁團結幫手有啲感動，仲要喺冇約定嘅情況下，撞到我一位好叻嘅隊友喺物資中轉站幫緊手。」
Frankie則透露自己跟大隊去送物資，隨後發文表達心聲：「感動！拎物資去嗰時，唔知應該去邊度放低物資，未去到已經見到大批市民拎住物資出發。唔識路嘅我，跟住大隊行就去到物資站。同行有好多學生，都係喺宿舍拎物資出嚟幫忙，回程都仲見到不斷有人拎緊物資去。一方有難，八方支援！」
