張學友的長女張瑤華(Zoe),日前被揭和外籍男同學Mathis拍拖,更被攝下親密抱抱照,疑戀情曝光後,身為爸爸的學友,即為女兒澄清,他指Zoe對他稱沒有拍拖,又指Zoe有為緋聞煩惱和不開心。
對於女兒被指與Mathis拍拖,學友說:「我問過,佢話冇拍拖喎!目前單身仲話冇興趣談戀愛,外國同學Mathis,都有自己澄清仲係單身。」學友坦言非常關心女兒,Zoe亦因為緋聞而不開心,「佢覺得好難處理同擔心到影響朋友,感到有啲壓力,Zoe有主動搵我傾過,仲話Mathis只係普通朋友,唔太熟絡,佢講『Love You』等如再見嘅意思,因為Zoe由細到大讀國際學校,習慣咗咁同外籍同學溝通,呢啲屬於年輕人文化。」
Zoe明白藝人的煩惱
學友指,今次事件令女兒明白到娛樂圈工作的壓力,他坦言和太太羅美薇明白到許多藝人下一代會遇緋聞問題,「唔會阻止女兒用社交媒體,Zoe仲有一個月就17歲,正常認識朋友冇咩問題。」問到女兒將來談戀愛,男友是否需要帶給他先過目,學友直言:「冇意見,至於係咪外國人都冇得理咁多。」