Ad Block Ad Block
娛樂
2021-08-05 15:24:00

東京奧運|李靜教練訪問金句集合︰最緊要多謝我自己

分享:
蘇慧音指李靜是充滿激情的人。

蘇慧音指李靜是充滿激情的人。

香港3名乒乓港隊代表李皓晴、蘇慧音及杜凱琹在奧運奪得香港史上第二面乒乓獎牌,全民的焦點除了放在這3名女將外,當然離不開李靜教練。由於李靜早前憑住一句「X!你企喺中間喇。」成為網上紅人,加上他不停爆出金句,大家都好期待李靜在賽事如何教路及訪問金句。李靜果然不負眾望,再有金句爆出!

相關新聞︰

港女乒團冀家長讓子女追夢 教練李靜稱比自己當年奪牌更有高興

李靜激動得扯爆口罩,再次成為網民瘋傳畫面。

李靜激動得扯爆口罩,再次成為網民瘋傳畫面。

李靜訓話時,又再表現激動。

李靜訓話時,又再表現激動。

洪永城也cap低。

洪永城也cap低。

洪永城拍下李靜教練向蘇慧音的訓話畫面︰「Keep住呢個勢、Keep住呢個勢、你打得好㗎,你打得好㗎。#李教練講嘢會唔會快得滯,有啲似rap出嚟。」李靜在賽後接受訪問時屢爆金句︰「(心情)比我自己拎更加高興、更加激動,呢次比賽佢哋真係盡心盡力,非常好表現,多謝一啲運氣,好多謝香港市民對我哋支持,亦好感激中國國家隊同我哋訓練,先有今日成績。當然多謝嘅人都好多,香港乒總、香港體院,但最緊要多謝我自己,因為我自己嘅付出更加多。」

李靜︰「獎牌多多益善,奧運獎牌得一、兩塊,但在我心目中就有三塊。」

李靜︰「獎牌多多益善,奧運獎牌得一、兩塊,但在我心目中就有三塊。」

李靜形容她們「膽生毛」,今次是奇兵出奇蹟。

李靜形容她們「膽生毛」,今次是奇兵出奇蹟。

問到有甚麼說話跟三位女將就,李靜說︰「等佢哋開心完先講,依家講佢哋都聽唔入!(今次變陣你點睇?)奇兵出奇蹟!蘇慧音面對兩名德國選手都贏得好精彩,兵行險著啦!今日要盛讚蘇慧音,一個人獨取2分,為團隊打下基礎!呢次奧運會完結,交到一個好滿意答覆俾大家,希望接落嚟嘅比賽會有更多獎牌。獎牌多多益善,奧運獎牌得一、兩塊,但在我心目中就有三塊,因為團體賽係打3個人。」

相關新聞︰

港女乒團反勝德國3:1 再奪一面銅牌

林鄭祝賀港女乒團摘銅 行會非官守議員祝賀

談到「奇兵」表現,李靜說︰「佢哋膽生毛,亂咁嚟,冇諗過佢一個搞掂。過去蘇慧音對陣呢兩名球手未贏過,今日就大勝,或者係對方大意,但呢個係奧運,波係圓嘅,戰果好難講。」當再問到有沒有金句勉勵下香港人,他續說︰「『金句』就不敢當,都係接地氣,但所有事並不是『齋諗』,要付出,付諸行動最實際。」

 

李靜︰「最緊要多謝我自己,因為我自己嘅付出更加多。」

李靜︰「最緊要多謝我自己,因為我自己嘅付出更加多。」

李靜︰「好驕傲可以為香港隊爭光。」

李靜︰「好驕傲可以為香港隊爭光。」

請接受以下私隱政策及免責聲明,以示你同意am730內之私隱政策及免責聲明。了解更多
接受