由ERROR、鄭欣宜、岑寧兒和陳凱詠(Jace)等,前晚舉行《Chill Club The New Vibes》,這是ERROR成軍3年以來首個演唱會。完騷後四子受訪時表示,雖感緊張但很享受在舞台上演唱與粉絲互動。
肥仔(梁業)直言,要夥拍鄭欣宜(Joyce)壓力很大,「她是真正的唱將,我純粹係跳舞叻啫,講唱歌我真係驚到縮埋一嚿。然後阿濟(經理人)又話我唱歌把聲好緊,搞到我更驚更擔心,成日懷疑自己。」在唱《特務肥姜》時,姜濤雖未能親身到場,但在錄影片段現身,而自稱「ERROR的姜濤」的193則表示,「最成功係逼姜濤話自己係MIRROR的193!」
因唱歌沾上污點
阿Dee首次在台上獨唱表演,觀眾反應熱烈,他在台上曾指花姐不准他出solo,肥仔大爆親眼見證阿Dee被拒的情景,「佢真係同花姐講話自己出錢做solo,但係花姐叫佢唔好嘥錢。」阿Dee半說笑指,自己入娛樂圈是想演戲,故此今晚是唯一不開心的成員,「呢3年我都用唔同表演方式來避開唱歌,但今次真係冇得避,『令我沾上了污點』係咪?」其後他認真表示,學懂了享受舞台,呼籲大家集氣讓他出solo。
Jace跳到險甩裙
Jace在演唱時險些甩裙,幸得阿Dee遞上黑色外套護花。她在完騷後受訪時大嘆可惜,「本來好期待能跟唔同的單位合作,所以在《天生二品》夾了另一首歌,又同阿Dee夾咗一大段舞,可惜展現唔到最原本的表演給大家睇。」談到甩裙時的驚險情景,她直言想大叫「嚇死我啦!」她表示彩排時已做足檢查又於事前「打底」。