陶大宇身在廣州唱兩句，表現肉緊。
無綫《娛樂頭條》停播半年，昨晚重新安排於凌晨12點播出，由周奕瑋擔任主持，並找來近日爆紅的陶大宇現身為節目打頭炮。
《娛樂頭條》停播半年，昨日再度播出，並安排陶大宇受訪作為頭炮。
陶大宇著大家退後一點。
呢個「噓」真係交足功課。
氣運丹田唱兩句
陶大宇在大陸登台時翻唱劉德華的《倒轉地球》，因其獨特的台風及唱腔，令他人氣再上升。身處廣州的他在餐廳接受無綫訪問及獻唱，更搞笑表示要氣運丹田，著觀眾「移後少少」，之後他唱出兩句贈予面對疫情的港人︰「送走擔憂，今天解放只想要自由。噓！」由於大宇表現肉緊，令不少網民笑爆。
陶大宇笑言「我唱歌唔係咁難聽」。
向劉德華致歉
陶大宇笑言︰「依家個現象令我好迷惘，究竟我仲應唔應該唱得更加好呢？我要重申，其實我唱歌唔係咁難聽，如果唱得唔好，就唔係咁樣嘅成就。」提到他的水撥手勢，他表示原意是用來跟大家互動打招呼︰「本身諗住要同大家有互動感覺，於是設計呢個打招呼動作，點知個姿勢揮下揮下、打下打下，又揮得幾過癮，就出現呢個效果。」之後他又向原唱的劉德華說︰「華哥仔，唔好意思，搞到你首歌咁樣，不過，你唔會怪我嘅。哈哈哈！」
相關新聞︰
陶大宇：冇咗音樂，個地球就真係倒轉！
網民推奪我最喜愛男歌手 陶大宇：你敢俾 我敢攞
保錡模仿陶大宇唱《倒轉地球》
陶大宇向劉德華致歉︰「唔好意思，搞到你首歌咁樣！」