黃文慧日前擔任楊盼盼主持的香港開電視節目《盼你賞面》嘉賓。二人識於微時，於七十年代的《萍蹤俠影錄》合作後繼而成為好友。
黃文慧在電影《嚦咕嚦咕新年財》飾演劉德華與古天樂媽媽一角，令人留下深刻印象。她透露當年為了一個鏡頭NG 50次，令她非常頭痕：「有一個鏡頭，我要由三番開始數、講對白，三番幾多錢、四番幾多錢，拍呢個鏡頭等到天光先拍，當時個人好疲勞、又緊張，完全記唔到對白，拍咗成50次都唔得。劉德華都好錫我，揸住張紙喺鏡頭後面提我，但我都係讀唔掂。最後導演好嘢，淨係拍我個口，我可以揸住張紙嚟讀。」