[人物]Bossini創辦人羅定邦孫女羅君兒(Queenie)2年前被綁架，案件轟動全城，事隔2年，羅君兒心情早已平復，還將被禁錮96小時的驚心動魄經歷化成文字，輯錄成書，書中呈現一個身處險境的勇敢女孩如何在生死一線間克服死亡陰影，展現驚人的求生意志。劫後餘生，她除了重新認識自己，更領悟要積極面對生活每一天，她更希望以生命影響生命，以個人經歷鼓勵任何人面對困境或沮喪時刻，都要相信自己，不要輕易放棄生命。記者：鄭秀韻 攝影：黃文山
現年31歲、從事藝術創作的Queenie，昨在中環工作室接受本報專訪，訪問期間她一直神態自若，並經常展露笑面，言談間亦充滿正能量，絲毫沒有任何負面情緒，怎也不像曾經歷與死神如此貼近的噩夢，恍如浴火重生，體現其著作《歷劫生命》的「書腰」所言：「給我重活一次的勇氣」。
2015年4月25日，6名匪徒潛入羅家位於清水灣甘澍路的大宅，Queenie被綁匪擄走，禁錮在山洞4日，羅家支付2,800萬元贖金後，Queenie最終獲釋。她早已走出陰霾，花了約1年半時間書寫《歷》書，親自剖白96小時的劫難全貌。
「心情都好平復。」Queenie說道。但復元過程並非一朝一夕，「其實過程係慢慢嘅，頭3、4個月嗰刻都會有啲驚……」一如她在書中最後一章節以「心有餘悸」為題所述，她要親自把大門上鎖才能安心入睡，「嗰3、4個月唔想出街，只想同屋企人喺室內stay in，去relax……」她其後自我調整心態，「特登多啲focus去正面嘅嘢度，例如工作上focus喺藝術創作對我嘅energy」，以此轉移視線來平復心情。
無創傷後遺症 鎖門已成習慣
她指綁架事件並無帶來任何後遺症，「初初一定有啲驚驚哋，但呢刻我覺得冇囉，呢刻覺得鎖門已經係一種習慣。」她亦否定外界的揣測，強調並無患上斯德哥爾摩症候群，亦無聘請保鑣或加強出入保安，更無對陌生人有戒心，「因為我覺得過去已過去，我唔會因為過去嘅事影響將來。」
很多人遇到不幸經歷，往往會怨天尤人，但Queenie從無這想法，「可能我個人係永遠用正面角度出發諗，所以我覺得係上天俾考驗我，俾一個挑戰我，我會用好positive way去睇，原來呢一刻我要咁樣去面對困難，所以我嘅經歷係可以同大家分享。」
禁錮4日內心掙扎 思考生存多於死亡
雖然Queenie最終安然脫臉，身體亦絲毫無損，但被禁錮期間的心路歷程不足為外人道，「當時每一刻都係內心掙扎同挑戰，因為你唔會明白你下一步嘅將來，你唔會明白你自己人生嘅方向會去成點，所以喺好被動嘅情況下，人要相信自己有解決困難嘅能力，我亦喺咁被動嘅情況下有自己嘅力量，可以覺得我生命唔係完結，仲有希望。」被綁匪禁錮期間，Queenie被困在山洞內的帳幕，只有一台收音機過日，對外一無所知，「你嗰刻唔知時間，其實嗰刻有諗將來、諗人生，諗好多嘢……」面對不知前路的恐懼，當時她滿腦子思考的反是「生存」多於「死亡」，「instead of我會覺得死亡，(覺得)生存多啲，反而，因為我好相信我呢刻唔係我嘅end point，所以點解我諗咁多將來嘅事。」
沒有宗教信仰的Queenie，當刻以有別常人的正面態度自處，「可能我會覺得自己人生好多嘢要去做，同埋人生唔容易完結……」她對求生的驚人動力及信念，源於「係自己對自己一個responsibility嘅belief(要對自己負責的信念)」，這亦與其正面、積極及樂觀的性格有關。
Queenie書寫被綁架經歷，她形容是敞開心扉的真誠表白，並以另一角度檢視自己，「我諗起過程，心情好平復，我好相信得返嚟嘅experience係一個領悟、領會，從而領略唔同感受，因為呢個感受而更積極做事。」她在書中還展現驚人的記憶力，把與綁匪們的對話一一記述下來，她歸因於自小已有很強的觀察力，「我強項係去觀察人，好明白人嘅動機，俾我睇到自己唔同嘅一面。」善於觀察亦令她懂得體諒，問她對綁匪有否心存怨懟或同情，她輕輕道來，「正如我喺書中所講，我好明白佢哋點解要咁做(綁架)，但唔代表同意佢哋咁做嘅出發點。」
情急智生 與綁匪勾手指證不受傷害
Queenie在書中提及多次與綁匪交談，要求他們保證不傷害她，其中一次更主動與一名綁匪「勾手指尾」作實，她重提此事時說，「成個(過程)對我嚟講係一個survival(生存)、一個tactics(技巧)，同一個reason點解我咁做，當你一刻決定唔到自己將來、決定唔到自己生命呢刻去向時，你要有保證，要相信自己直覺囉，從直覺得出，只不過喺嗰刻佢俾我嘅承諾。」而最終絲毫無損，她自言是幸運，「成件事一定係我自己嘅幸運，有呢個咁嘅結果。」
生命有希望 要對自己有信心
Queenie的男友在事發時同被綁匪捆綁，問及兩人目前的關係，她只說「冇影響」，強調自己只想專注事業。她亦慶幸出街無引來途人目光，自言「只想做返自己，唔會因為呢件事影響場我嘅生活，繼續追尋自己嘅夢想、繼續多啲創作。」外界不解她為何高調出書，她解釋目的是希望將正能量灌輸給讀者，「令佢哋明白正能量係come from自己，生命有希望，對自己有信心，唔好放棄每件事！」
「除咗對生命唔好放棄，真係要有希望，人嘅mindset(思維)好緊要，每個人都要好積極諗多啲positive(正面)少少嘅嘢……每個人一定遇到困難，你唔明白我嘅困難，唔代表我嗰刻容易過，當你覺得好絕望、好desperate(歇斯底里)、好lonely嗰刻，其實如果睇出啲，好多人關心緊佢，我自己感受過，嗰刻好似喺好細嘅空間，你覺得好辛苦，但如果放開少少，同人傾訴，其實對件事有幫助，同埋都係要相信自己有能力解決。」Queenie鼓勵任何人即使面對困難或逆境，不能失去求生意志，「我會覺得人唔可以咁易放棄自己生命……每人每日有唔同挑戰，挑戰可能come from唔同原因，當你絕望，要諗自己有咩能力可以解決，點用正能量灌輸俾自己解決困難！」
Queenie笑言沒有電影公司向她招手把綁架事件搬上大銀幕，重申只想專注工作，但她補充，若真有人提出有關構思，而出發點是好及能幫助人，她不排除會考慮，但強調「到時先算」。
