半年一度的Sogo thankful week周五舉行，相信不少女士與妹豬們都已經準備好銀彈，不過商場如戰場，唔想入到去得個迫字，又或者眼白白被人買走心儀套裝，睇到買唔到，真係要事前做好功課！今次記者就為大家選出10套精選套裝，價錢在半價左右，而且都有品牌皇牌在內，感覺就更加抵上加抵！
今次唔少套裝都係單日期間限定，部分日子在星期五，如果想返工前或lunch hour去，記得預好交通時間啦！另一攻略是，不少女士都會與朋友兵分兩路排隊買，不過部分套裝有限購額，如果大家都睇中同一套，切忌分頭行事！文：Abby
Melvita 皇牌有機堅果油套裝 優惠價$250、價值$690 (36折) (11月16日星期五 銅鑼灣崇光限定) ‧有機堅果精萃緊緻提升乳液10ml ‧有機堅果油 5ml ‧有機堅果油 50ml ‧塑顏按摩石 ‧精美化妝袋
CLARINS 賦活雙精華套裝 優惠價$900 價值$1,735 (52折) (11月10日 銅鑼灣崇光限定) ‧賦活雙精華 50ml ‧煥顏緊緻頸霜 15ml ‧電眼緊緻精華 7ml ‧抗污染透白防曬霜 10ml ‧凝亮護唇油 2.8ml
