伍家朗8號風球下求婚，成功抱得美人歸。
現年27歲的香港羽毛球「一哥」伍家朗封盤喇！今日他在社交平台報喜，上載向女友求婚的照片，宣布在8號風球下求婚成功。
伍家朗寫道：「一齊咗6年半，終於都嚟到呢一日，今次可以話係最成功嘅surprise。竟然可以呃住你呃到儀式前一刻先開估，更加估唔到係我讀台詞讀到1999你都忍唔住喊咗」。
伍家朗跪地求婚，非常浪漫。
多謝朋友協助策劃與安排
伍家朗更表示，8號風球下求婚嚇到一額汗：「8號風球之下staycation求婚真係嚇到一額汗，一早plan定嘅嘢差啲因為個颱風而被破壞晒，好彩有女朋友嘅老死由頭到尾都咁上心，落心落力幫我策劃同籌備」。最後他亦多謝身邊所有人的幫助和配合，令到女朋友非常之滿意，不少圈中好友包括麥明詩、張繼聰及歐鎧淳等都紛紛留言送上祝賀。