聖誕節將至，打工仔都希望有一個愉快假期，若放假期間仍收到老闆的工作指示，相信是不少人的惡夢。尤其手機通訊軟件大行當道，連用戶在線時間、已讀訊息與否都一目了然，打工仔不回覆就怕飯碗不保；回覆又會影響心情，更隨時假期OT。看著手機上的未讀訊息，To覆or not to覆，應該點抉擇呢？
放假期間收到老闆或上司的工作指示，相信是不少打工仔都遇過的掃興事。有調查訪問2,000名上班族，近七成人表示曾在放假時，收到上司的「奪命追魂call」。有網民在論壇大吐苦水，「旅行中途叫我覆公司電郵，仲要指明半個鐘內搞掂，結果同女友炒大鑊。」也有人抱怨通訊軟件顯示回讀的功能，「有藍剔之後，想扮睇唔到，唔覆都唔得。」有網民則建議，「最好開多個手機號碼，工作用嘅放假就熄機。」
身兼立法會議員的縱橫二千集團創辦人及主席田北辰認為，老闆應體諒員工，「喺G2000如果假期真係遇到即刻要處理嘅嘢，通常只會用訊息叫員工『please call when free.(方便時回電。)即時打電話會有壓力，咁樣係俾咗選擇員工，佢可以五個鐘後先覆，做老闆唔可以嬲，假期佢可能去緊教堂或者陪緊屋企人嘛。而且內容只會問一啲資訊，唔會俾嘢佢做或者要佢即刻做，人哋周末點同你做嘢啫。當然，立法會就唔同，周末都要安排人手，咁平時就俾番假期。」
遇不合理應坦白
至於打工仔能否「已讀不回」，合眾人事顧問公司總經理蘇偉忠認為，「視乎咩行業啦，如果行業係分秒必爭，有時都無可厚非。不過，好多時老闆都識做㗎啦，唔會係唔係都call員工。」他續指，「如果做私人助理、近身秘書，又或者從事公關、廣告、地產代理行業，假期遇到突發情況，都係合理嘅。但如果個上司係唔係都call你，長期當你唔係放假嘅，咁就應該坦白同老闆講，自己放緊假；或者婉轉表示，同屋企人一齊，遲啲或返到公司再處理。」
法國勞工例保障員工「離線權」
法國今年初實施的新勞工法例規定，50人以上的公司，需要保障員工工時以外，毋須回覆電郵的「離線權」，以免員工被迫假期加班。當地每周標準工時為35小時，超過35小時，公司需給予額外薪水或補假。惟隨著智能電話普及，不少員工均需在假期接收和回覆電郵，變相「無償加班」。