陳凱琳(Grace)和蕭正楠(Edwin)昨日出席賀年活動，各自演唱一首歌曲，並跟現場fans玩遊戲，更體驗中國傳統技藝「拉糖」。Grace表示，早前參加睡衣派對，因此在地鐵嚇親途人；Edwin就大讚女朋友黃翠如打牌章法高。
在外國長大的Grace首次接觸「拉糖」，她說：「覺得好新鮮，以前未見過。」Grace與Edwin均稱，有去另一半的家拜年，Edwin就爆女友黃翠如章法高，「翠如有嚟我屋企，打麻雀時佢將一手爛牌湊成十三么，好厲害、好幸運。(有否被長輩催婚？)屋企人唔講呢啲話題，自己又要拍新劇，冇時間諗呢啲。」
模仿鄭嘉穎練歌
Grace透露，之前參加龔嘉欣及沈卓盈等人辦的睡衣派對，她說：「我哋成班人著睡衣搭地鐵，之後俾其他乘客認出我哋，有啲途人俾我哋嚇親，以為拍緊戲呀。」提到鄭嘉穎為了音樂劇而勤於練歌，Grace承認：「經常聽到佢響度練唱歌，所以自己偶爾都會情不自禁地唱佢練緊啲歌。」
Grace表示，今年希望學烹飪，新年期間煎了蘿蔔糕給鄭嘉穎食，似乎為人妻生活練習。
ADVERTISEMENT
至抵會員價，名額有限，請火速訂位！
