2019-03-05 16:05:00

【不再MK】天堂鳥強勢回歸！新歌MV露肉攬女直呼好尷尬

大家還記得三人男子組合BOP天堂鳥嗎？當時他們出動被冠上「MK POP」之名，一首《登陸太陽》更唱到街知巷聞。不過因為他們跟前公司的合約糾紛，因而沉寂了一段時間，正當大家以為他們曇花一現之時，天堂鳥終於重新回歸香港樂壇，並特別揀選抒情慢歌《故作瀟灑》作為回歸樂壇的首支主打歌。其中Tyrese更獲隊友Gordon及Lincoln推舉，肩負拍攝出浴鏡頭，回饋樂迷。

其實天堂鳥在香港消失的時間，他們把事業搬上大陸，並有參與多部電影的演出。今次《故作瀟灑》的MV，導演安排了三位女生扮演他們的女友，提到MV中與眾女角的互動，Lincoln指因為導演給予很大的發揮空間，所以也考起了他的演技，他說：「因為係第一次見，對方唔多出聲，場面有啲尷尬。後來同導演提議拖手、掩臉呢啲戲份，令到氣氛都變得輕鬆，結果拍攝時間亦係三個之中最快。」至於Gordon則說：「我要同『女友』煮嘢食兼互餵，但實在唔知俾乜嘢反應，更重要係食嘅粟米片冇落奶，要齋啃，但又要表現得好sweet，搞到我好尷尬，面都紅埋。」

至於單身了好一段日子的Tyrese則靦腆表示：「好似好耐冇接觸異性，所以拍攝過程中都有啲怕醜，因為要喺床上影相，又要哄瞓覺，但都是帶出感覺嘅畫面。」除了床戲，Tyrese更有出浴鏡頭，他續道：「導演構思時覺得如果有出浴鏡頭效果會好啲，Gordon同Lincoln聽到後推我出嚟，但在短短兩星期內我實在減唔切肚腩，好在導演話影唔到肚腩，我都可以安心啲！」

如今重新出發，還怕被人笑是MK POP嗎？Gordon說︰「無論大家覺得係好笑還是好睇，希望大家覺得BOP有一個娛樂性，因為喺娛樂圈，娛樂性先係最緊要，最緊要感受到我哋份真，真係好想話俾大家聽我哋係一隊香港嘅組合，亦係一隊好俾心機去為香港樂壇出少少力嘅一分子。所以過去嘅事就唔想多提，我哋會努力工作，等大家知道我哋唔係玩玩下。」