免費玩攀石夠4歲就得

攀石運動被正式列入2020年東京奧運項目後，一時間令呢項活動引起關注，Ray都試過玩，體力與技巧不可或缺，可能因為年紀大啦，所以就會諗，如果從小有機會接受訓練就好了，所以都推介朋友帶細路仔去玩，因為對身心都有益處。

不過，未接觸過呢類運動嘅朋友，都係想先小試牛刀，本月14日(周六)杏花新城舉辦「攀石同樂日」，俾大眾免費體驗攀石，喺專業攀石導師的帶領下，感受攀爬的樂趣。此外，當日亦舉辦全國攀岩希望之星香港站暨全港兒童及青少年抱石賽(報名及查詢：https://justclimb.hk/2018/02/28/climbingstar2018/)，並邀請全國攀岩冠軍張悅彤表演攀石，大家可以到場一睹呢位14歲少女的攀爬技藝之外，亦可成為打氣團觀賞賽事。