叻哥陳百祥與杜汶澤現身港台，出席直播節目就社會近日議題作辯論。杜汶澤表示叻哥最可怕的地方在於無記性，更以「嘥X氣」去形容對方。 其後叻哥步出港台，他再三強調自己沒有顏色，支持和平示威，反對一切暴力︰「兩面暴力都唔好，警察用過份暴力都唔係好，但我睇唔到警察用過份暴力。」更指過去5個月是悲劇。
他又謂可憐學生，出席節目是希望一眾學生不要白白犧牲。他說︰「佢哋追求嘅嘢唔係真正想要嘅嘢，百分之九十追求唔到……佢哋點會讀讀下書去拎條命去，我痛心佢哋，我真係唔了解佢哋睇法。」他稱自己並不是任何一方的代言人，純粹因為愛香港，想大家安居樂業︰「我唔係想出嚟做英雄，因為我係香港人，好愛呢個家，所以先出嚟，我出嚟做咩？我明做戰靶俾佢鬧㗎啦，有咩所謂，我犧牲少少。」他指一直有聽到另一面的聲音，但並不認同。
