美孚新邨發生有蟹墮樓慘劇。(網民Patrick Yeung@FB群組「Mei Foo 美孚」)
TVB多年前有一齣神劇《大時代》，劇中主角丁蟹無惡不作，有人話好切合當下的時勢；唔知係咪呢個角色太深入民心，有網民上載一張死蟹相片，都會人聯想起丁蟹。該張相片由網民Patrick Yeung張貼在Facebook群組「Mei Foo 美孚」，顯示一隻相信已斃命的蟹躺在地上，而帖文就話「今年流年不利 百老匯14座有蟹墮樓慘劇」。
帖文一出，隨即引來不少幽默留言，有網民說：「佢係咪叫丁蟹？」有網民順應《大時代》劇情說：「係咪比(俾)丁蟹踢落街嘅丁x蟹呢？」有網民好有同情心，聲稱要為隻蟹唸往生咒；有網民認為蟹主應執番去煮；另有人化身「當事蟹」說：「我寧願跳樓死都唔會俾你食!!!」
另外，有網民大嘆遲了數天才看見這個po，否則「執番去加餸」。一位街坊則指稱，「可能龍宮政變大逃亡，今早係14座後側近16座發現已斷氣吾(唔)識游水魚」，還貼相佐證；有網民笑言「明天會唔會係蝦」。雖然是發生了命案，但有網民以非常權威的口吻說：「死因無可疑」，因此相信毋須召開死因庭。