福祿壽在中國神話中，是福星、祿星及壽星三位星君的合稱。
衣食無憂、安居樂業，相信是無數人的期望，不少人亦會在家裡擺放一些擺設招財納福，老牌屋苑美孚新邨其中一幢更厲害，在大堂當眼處擺放了福祿壽三尊像，路過途人無不嘖嘖稱奇。
福祿壽三位星君，相信大家都耳熟能詳，但放在家居大廈出入之處就真係比較少見。有網民在Facebook「Mei Foo 美孚」群組出帖，「咩21號(座)可以擺d(啲)甘(咁)宗教既(嘅)野(嘢)？法團又批既(嘅)？不過我都係食下(吓)花生，我覺得吾(唔)好睇。」
不少網民跟帖附和稱：「有同感！唔擺好過擺！」有網民則留言：「每次經過都想笑，管理員日對夜對唔知有咩感覺呢？」
另有網民更正樓主說，「福祿壽唔係宗教野，係華人對不勞而獲既(嘅)痴心妄想。」另一網民亦說，「福祿壽唔算係宗教嘢，只可以算係老土嘢，同放個招財貓差不多。」有網民關心如果不慎損毀，「誰負責任賠？」
至於擺放這三尊像，究竟是風水、裝飾還是別的原因，相信只有法團才知道。