【網上熱話】紫色電單車貼告示「防抄牌」　網民熱議「棄車定真心？」

香港地少人多，車多泊位少，除「偷雞」泊街邊，偶爾亦有車主絞盡腦汁，違泊之餘嘗試避過「抄牌」。網民「易風」於社交平台指，於柴灣某處見到一輛紫色電單車泊於路邊坑渠上，車身貼滿告示指，「我本人每次停車都會撕下行車證和車牌，防抄牌」，附上照片並問「得嘅咩？」帖文引起網民熱烈討論，並留言分享違泊的「偷雞經驗」；亦有留言指「咁張揚，擺明失車啦」，不過亦有街坊指並非棄車，「見過有人揸」。

有眼利網民指出，相片應在柴灣高威閣附近，亦有留言稱曾於上周見到該輛電單車滿佈雀糞，「但第二日已經清潔咗」。也有網民指，若不記錄引擎編號「真係要做野(嘢)只有拖」，不過亦認為電單車佔地不多「阻極有限」，估計執法部門「都唔會搵自己麻煩」。帖文引起當區市民關注，到附近尋覓「紫車」時發現，只餘散落於地的告示，「部車出咗去」。