有網民訴苦指鄰居每日定時吹牧童笛，令其感到困擾。(Pixabay用戶congerdesign圖片)
回想小學讀書時期，吹牧童笛既是音樂堂的其中一個環節，走音的同學更是「左近都有一個」。有網民日前在社交網站Facebook群組「將軍澳主場」發文，指鄰居在午餐和晚飯時段，都會在家中吹牧童笛，年中無休，形容行為「超乞人憎」。事主又說，關上窗戶依然聽得一清二楚，早前更試過「忍唔住喺窗口叫佢唔好吹」，向大廈保安求助要求改善亦無果。她直言在家吹奏並無違法，但覺得行為「真係超級煩」，希望請救網民解決方法。
不過事主的意見，並未有太多網民認同，大部分反而批評事主缺乏同理心，「呢啲時間吹都唔得？嘗試換個角度欣賞吓」、「食飯時間吹已經好好，唔通訓教(瞓覺)時間先吹咩」。有留言就反問對方應如何做才合適，「如果建議人地(哋)租房去吹，記得俾埋錢人地(哋)咁做，咁就解決到你自己嘅問題」，亦有人認為小朋友在學校學牧童笛後，在家中練習也是正常事，加上已經是晚上7時才練習，「我覺得冇問題，應該多啲鼓勵呢啲年青新一代。」
與此同時，有網民就支持事主在窗口反擊，認為可一同對外吹牧童笛，甚或播佛經抗衡，「座頭做唔到野(嘢)，姐係你製造嘈音都唔會奈你唔何」。事主最後在帖文統一回覆，表示只希望大家的自由不會影響到其他人，又指自己可以對外播佛經還擊，「但係我都係認為唔應該搞到其他人。」