有其他網民指在美孚站C1出口外，相信也遇到同一名可疑男子。(資料圖片)
過去一年受各式各樣防疫措施影響，晚上9時後街頭人流逐漸變得冷清。有女網民表示上周六晚(2月27日)近10時左右，行經荔枝角荔灣道近美孚新邨第五期蘭秀道2-4號時，突遭一名穿着藍色衛衣、身材高瘦的男子截停，並被拉住稱「我哋傾吓偈」。
事主在Facebook群組「Mei Foo美孚」分享事件時，指當時對方「拉住我又抱住咗我唔比(畀)我走」，又憶述對方曾說「我哋傾吓偈啦，呢度係邊度？」由於她當刻十分害怕，「我答完佢美孚之後我就話唔得閒走先」，其後甩掉對方的手跑走。她表示不知該男子是否仍會在原地，並因受驚而未有拍照證明事件，「但係好想提醒各位經過個度都要小心啲」。
不少網民都留言安慰事主，認為最緊要安全，「最緊要冇事，定下驚先」、「冇嚇親就好」、「女仔夜晚返屋企真係要小心啲，多謝你話比我哋知，之後夜晚出入小心啲。」亦有人希望事主回神後可通知附近保安，「始終係佢哋責任」。有人就讚揚事主有逃走的勇明氣，「明白當刻一定好驚，識得走已經好叻，肯講出黎更要勇氣，欣賞你。大家以後出入一定會更小心。」
有網民疑遇到同一男子
有人就建議在遇上類似情況時，應在未有身體接觸前就已經要怨速離去，「咪比(畀)佢有機會開口對答……再走埋嚟就大叫了，萬一佢諗住你個口，一切都被動了！」此外，有網民指當時也遇到事主所述的男子，形容他身高約170厘米、身形瘦削，「佢當時企係美孚站C1出口近班馬線位置，好似take左(咗)野(嘢)咁亂講野(嘢)：『我地(哋)大家係朋友，借十蚊畀我吖』，並會隨機跟隨路上行人。
事主在Facebook分享事件經過。(FB群組「Mei Foo美孚」)