外區客搵樓半年，於減息前斥616萬元入市美孚新邨三房。
美國聯署局一如市場預期減息，有用家趕在減息前入市九龍藍籌屋苑美孚新邨三房，原業主大賺退場。利嘉閣地產新西九龍豪宅(西九龍)分區經理郭永峰表示，最新促成美孚新邨3期吉利徑8號低層A室二手成交，單位實用面積653方呎，採三房間隔，景觀望內園。據悉，新買家為外區客，大約半年前開始搵樓，最新睇樓上址後，認為單位實用率高，望內園夠清靜，加上屋苑位置便利，決定加快入市。單位原叫價668萬元放盤，雙方議價至616萬元成交，折合實用呎價9,433元。
49年前買入價15萬有找
據了解，原業主早於1976年以約14.7萬元購入上址單位，長情持貨逾半世紀、約49年至今沽出，現帳面回報可觀，賺幅約601.3萬元或約41倍。另外，美孚新邨目前約有600個單位放盤，最低入場費由約458萬元起。
即睇荔枝角美孚新邨放盤 (House730)
