馬鞍山被劫女戶主指被箍頸半小時，賊已除褲鏈，稱「淨係劫財」。(女事主Facebook)
馬鞍山恆安邨凌晨發生入屋行劫傷人案，凌晨1時許，一名賊人闖入恆江樓一個門外牆身被劃上「X」記號的單位企圖行劫，36歲女戶主被壓胸、揑頸兼被撼頭埋牆，她事後講述事發經過，指被賊人遭箍頸半小時，指對方「一定係想謀殺我」。
事主在Facebook發文表示，昨晚7時許見客後下班，約9時半回家繼續工作，約凌晨12時睡覺，至凌晨約1時在睡夢中驚醒，發現大門被爆開，及後遭一名男子襲擊：「(賊人)跳上我身上的心口騎住我，雙手箍住我，唔俾我出聲，再用布塞住我個口，然後另外一隻手除褲鏈，佢話『我淨係劫財』，但一定係想謀殺我……」
事主稱，賊人箍頸長達半小時，聲嘶力竭呼救但沒人聽到，最後她跟賊人求饒：「我咩都可以俾晒你，求你可唔可以放過我條狗命，留返條命俾我去美國見我個女一面，佢先鬆一鬆手，然後佢話『我知道你一定報警，唔准見到我塊面』，佢蒙咗半邊面，叫我唔准郁，完全好驚唔敢出嚟，我被蒙面，最後聽到好大聲嘭一聲門，我先敢行返出嚟，再報警同打俾屋企人同朋友救我。暫時察覺唔見咗鎖同屋企鎖匙，同整走咗我屋門個防盜眼，門被打X記號。現在我處境好危險，要盡快返美國」。
警方接報到場，經初步點算，單位無金錢損失，但失去一個鎖頭、一串鎖匙及一個防盜魚眼鏡。經初步調查後，案件暫列爆竊，交由沙田警區刑事調查隊第九隊跟進，暫未有人被捕。警方正追緝一名男子，中等身材，蓄短髮，案發時穿深色上衣及藍色短褲。
女戶主頸及肩傷受傷，在友人陪同下，清醒被送往威爾斯親王醫院治理。據悉，女戶主家人在美國居住，她在港任職互聯網客戶經理，在醫院等候治療期間，致電在美國的父親哭訴：「我頭先爭啲死啊！」