【HOUSE730搵樓大本營】復活節新盤睇樓攻略

過往的復活節長假期是發展商重點推盤檔期之一，惟今年遇上新型冠狀病毒疫情，加上政府三月底公布新規例，禁止公眾地方進行多於四人的群組聚集，新盤銷售亦未納入豁免類別之內，今年復活節檔期的睇樓活動，難免受影響。

昔日的復活節長假期，港人除了熱中出外旅遊，另一項受歡迎的假日活動便是睇樓。參考去年一連四日的復活節假期，至少七個新盤齊推，並以各式優惠爭客，市場共錄得約190宗一手成交。

然而，今年受疫情持續影響，首季樓市未出現小陽春，發展商推盤步伐亦無奈放慢，政府早前更推為期14天的「限聚令」，售樓處要限制每組參觀客人及代理不多於四人，示範單位每次只限一組客人參觀，展銷廳亦須將座位分隔1.5米，人山人海排隊睇樓場面相信短期難復見。

復活節吼實三大發展商新盤
不過，買樓冇得「WFH」，若然有心置業，始終要親身走一轉。復活節假期除了可繼續留意仍在銷售餘貨的日出康城9C期Ocean Marini、啟德嘉峯匯、油塘曦臺外，近期有機會登場的新盤，包括新鴻基地產旗下天水圍Wetland Seasons Park第2期，全盤699伙，提供一至三房戶型，實用面積約290至820平方呎，呎數略較1期大，1期向隅客可留意。另外，同樣受注視的，有長實集團旗下將軍澳日出康城8期Sea To Sky，該盤將開展前期軟銷，提供1,422伙，主打兩及三房戶，上述兩盤已獲批預售。

另外，恒基地產大角嘴利奧坊3期屬舊契項目，隨時可推。有興趣疫市置業者，可在復活節檔期多留意新盤推售進程。