長方形大廳小巧但實用，裝修亦雅緻。(代理提供)
業主賣樓當然希望有錢賺，但荃灣全‧城滙有兩房業主以蝕讓價沽貨，期間曾有準買家加碼洽購，但仍不為所動，決定售予誠意十足的上車客，更將全屋傢俬留低，方便該買家可以即買即住，相當有好人！
開放式廚房旁擺放小餐桌椅，實用又慳位。(代理提供)
中原地產荃灣如心廣場分行首席分區營業經理丘漢偉表示，近期樓市持續回暖，不少買家加快出動尋寶入市。分行新近促成荃灣全‧城滙5座中層B室成交，單位實用面積429方呎，屬兩房連開放式廚房間隔，內部裝修新淨典雅。單位原開價780萬元放售，隨市況回暖，單位近日睇樓量明顯增多，平均每日有逾10組客人參觀，最終以765萬元沽出，平均實用呎價17,832元。
原業主4年帳輸120萬
丘漢偉續指，新買家為上車客，睇樓數月，情傾全‧城滙細兩房單位，因上址裝修不俗，一睇即中，即展開洽購；而單位業主見買家誠意十足，決定將全屋傢俬一併留下，可以即買即入住。他又稱，雖然雙方議價洽購過程中，有其他客人出價稍高一點「搶盤」，但業主仍不為所動，亦沒有反價，仍決定將單位售予原先的上車客。據了解，原業主於2021年初以885萬元買入物業，持貨約4年，現帳面虧蝕約120萬元或貶值13.6%。
立即更新/下載AM730手機APP 體驗升級功能
