右二：劉亞仁
左：玄杉、右：Rain
左：宋承憲、右：李秉憲
韓國女神宋慧喬今日突然宣布將同宋仲基10月尾結婚，消息震驚全亞洲！有「男神殺手」之稱嘅喬妹，出道多年，合作過嘅對手都係男神級OPPA，李秉憲、玄彬、Rain等人都傳過緋聞，令女生羨慕不已。
2000年：宋慧喬同宋承憲合作《藍色生死戀》紅遍全亞洲，兩人當時傳出緋聞，卻冇承認，多年後宋承憲受訪時坦言，宋慧喬係最接近自己嘅理想型。
2003年：同李秉憲因合作《ALL IN》傳緋聞，男方大讚喬妹可愛，又送戒指俾佢，冇耐就公開戀情，李秉憲同朋友講，「想將喬妹當作生命中最後嘅女人。」李秉憲亦係喬妹第一個公開承認吧嘅男友，但兩人拍拖一年分手。
2004年：喬妹同Rain合作《浪漫滿屋》而撻著，兩人多次被爆約會，喬妹去美國遊學時，Rain亦喺美國接受聲樂訓練，但兩人始終冇承認過戀情。
2008年：同玄彬合作《戀愛夢工場》相戀，兩人喺好多地方都有共鳴，而發展成情侶，直到玄彬當兵後，兩人先共同發表分手聲明。
另外，喬妹同劉亞仁亦傳過緋聞，劉亞仁公開表示唔介意姊弟戀，多次承認宋慧喬係理想型，又為咗喬妹客串《太陽的後裔》，但佢地只係好朋友關係。
立即更新/下載AM730手機APP 體驗升級功能
