【反醒下啦】巡演期間狂飲酒 步姐挨批不專業

39歲日本天后濱崎步巡迴演唱會《Power of Music 20th Anniversary》上周六開鑼以嚟，話題不斷，繼發福脹爆後，步姐日前又上載醉相，自爆飲大咗，翌日起唔到身，被網民斥責「巡演期間，唔好好照顧身體，唔係一個專業歌手應有嘅素質」。步姐向來鍾意杯中物，昨日演唱後慶功，自曝當晚狂飲Tequila，宿醉至翌日落唔到床。步姐曾有多次飲得癲狂而失聲，影響個唱表演，令網民狂斥唔係歌手應有態度。